133

بھارت میں تھانے کے اندر شادی کی تقریب

تقریب کے دوران لڑائی ہونے سے معاملہ تھانے پہنچ گیا ، پولیس والوں نے پرچہ کاٹنے کی بجائے دونوں خاندان والوں کو مٹھائی کھلا کر معاملہ ختم کر دیا اور ڈانس کر کے تقریب کا لطف بھی اٹھایا

نئی دہلی شادی کے دن کو یادگار بنانے کیلئے لوگ کسی اچھے شادی ہال یا مہنگے ہوٹل کا رخ کرتے ہیں لیکن بھارت میں ایک جوڑے کی شادی اتفاق سے ایسی جگہ سر انجام پا گئی کہ اس سے بڑھ کر یادگار شادی کی تقریب شاید ممکن نہیں ۔ بھارتی اخبار کے مطابق یہ انوکھا واقعہ اس وقت پیش آیا جب ریاست اتر پردیش کے شہر کنوج میں منعقد ہونیوالی ایک شادی کے دوران دلہن اور دولہا والوں کے درمیان لڑائی ہو گئی اور بالآخر بات تھانے تک جا پہنچی ۔
جب دونوں اطراف کے لوگ شکایت کیلئے تھانے پہنچے تو پولیس والے کسی اور ہی موڈ میں بیٹھے تھے ۔ انہوں نے پرچہ کاٹنے کے بجائے دولہے اور دلہن سے کہا کہ وہ غصہ جانے دیں اور اپنا گھربسنے سے پہلے اجاڑنے کی غلطی نا کریں ۔
پولیس کے سمجھانے بجھانے پر دولہا دلہن کو بات سمجھ آ گئی اور وہیں تھانے میں ہی باقی رسوم کی ادائیگی شروع ہو گئی ۔ دلچسپ بات یہ ہے کہ جب شادی کی رسمیں ہو رہی تھیں تو پولیس والے جوڑے پر پھول بھی برسا رہے تھے اور ناچ گا کر اپنی خوشی کا اظہار بھی کر رہے تھے

اس خبر پر اپنی رائے کا اظہار کریں

اپنا تبصرہ بھیجیں